الكبسولة الأولى : " نظـرية الصـودا "
أول ما بتصب شوية صغيرين من الحاجة الساقعة فى الكوباية بتلاقى الصودا فارت و أخدت حجم أضعاف حجم الحاجة الساقعة ، بس واحدة واحدة بتلاقيها اختفت وبيفضل بس حجم الحاجة الساقعة اللى صبيتها :)
لما تقابلك مشكلة ، ممكن تحس فى اولها انها كبيرة ، بس ياريت تهدى ومتتخضش، ممكن تطلع مجرد صـودا ، وهتكتشف انها اصغر بكتير من ما انت كنت متخيل .
أول ما بتصب شوية صغيرين من الحاجة الساقعة فى الكوباية بتلاقى الصودا فارت و أخدت حجم أضعاف حجم الحاجة الساقعة ، بس واحدة واحدة بتلاقيها اختفت وبيفضل بس حجم الحاجة الساقعة اللى صبيتها :)
لما تقابلك مشكلة ، ممكن تحس فى اولها انها كبيرة ، بس ياريت تهدى ومتتخضش، ممكن تطلع مجرد صـودا ، وهتكتشف انها اصغر بكتير من ما انت كنت متخيل .
الكبسولة الثانية : CTRL+Z
لما بتكتب حاجة غلط وتحب تصلحها، بتضغط Ctrl Z ، وبكدة بتمسح الغلط وكأنة لم يكن ، وتبدأ تكتب من جديد ، طب بص كدة قال رسول الله صلى الله عليه وسلم : "اتق الله حيثما كنت. وأتبع السيئة الحسنة تمحها، وخالق الناس بخلق حسن"
لما ترتكب ذنب وتحب تمسحة ، إعمل عمل خير بنية إن الحسنة ستمحو السيئة ، إعمل أى حاجة ، إدى صدقة لاول محتاج هيقابلك قوم صلى ركعتين ، كلم حد قريبك بنية صلة الرحم وهكذا ، اعمل خير وإمسح الذنب بضغطة واحدة على Ctrl Z .
لما ترتكب ذنب وتحب تمسحة ، إعمل عمل خير بنية إن الحسنة ستمحو السيئة ، إعمل أى حاجة ، إدى صدقة لاول محتاج هيقابلك قوم صلى ركعتين ، كلم حد قريبك بنية صلة الرحم وهكذا ، اعمل خير وإمسح الذنب بضغطة واحدة على Ctrl Z .
الكبسولة الثالثة : نظـرية " المُسمـار "
لما بتيجى تدق مسمار بيبقى هدفك إنك تثبتة أوى عشان ميبقاش " ملخلخ " فأى هزة تشيلة من مكانة ، فبتقعد تدق علية ، وكل ما تحتاج تثبتة أكتر ، تدق أكتر ،، كل اما تمر بمشكلة أو الدنيا تديك فوق دماغك :) ، اعرف انها بتثبتك اكتر عشان متبقاش " ملخلخ " فأى هزة او مشكلة تشيلك من مكانك و تخليك تلف حوالين نفسك .
لما بتيجى تدق مسمار بيبقى هدفك إنك تثبتة أوى عشان ميبقاش " ملخلخ " فأى هزة تشيلة من مكانة ، فبتقعد تدق علية ، وكل ما تحتاج تثبتة أكتر ، تدق أكتر ،، كل اما تمر بمشكلة أو الدنيا تديك فوق دماغك :) ، اعرف انها بتثبتك اكتر عشان متبقاش " ملخلخ " فأى هزة او مشكلة تشيلك من مكانك و تخليك تلف حوالين نفسك .
الكبسولة الرابعة : " ربع جنية "
يلا يلا كل واحد يطلّع ربع جنية عشان هنزيّن الفصل ،، فاكرين :) وكنا بنبقى فرحانين جداً واحنا بندفع عشان عارفين اننا بنزيّن المكان اللى احنا قاعدين فية ، طب يلا يلا كل واحد يطلع حاجة عشان هنزيّن الارض ، أيوة هنزيّن الارض ، ممكن اخد منَك ضحكة من القلب، ومنِك طبطبة على كتف صاحبك ،. ومنِك بوسة على إيد أمك ، ومنَك صدقة مع إبتسامة .. ومنِك بوست عالفيس كله امل وتفاؤل ، ومنك دعوة حلوة بظهر الغيب لحد محتاجها ، ومنك فكرة فيها خير للبلد ، .إيدك معانا بقة ،
مش انت قاعد معانا فيها ولا اية !!!
الكبسولة الخامسة : تكنولوجيا السعادة
sticky notes واحدة من أهم مميزات ويندوز 7 وبتقدر من خلالها تكتب الملاحظات اللى عاوز تشوفها طول الوقت لما تكون فى مشكلة ، اكتب فيها إسم من أسماء الله الحسنى اللى مرتبط بمشكلتك مع شرح مبسط لية و آيه أو أكتر من القرآن بتحمل نفس المعنى و بص عليها كل شوية ، مثلا لو عندك مشكلة مادية ممكن تعمل كدة .
sticky notes واحدة من أهم مميزات ويندوز 7 وبتقدر من خلالها تكتب الملاحظات اللى عاوز تشوفها طول الوقت لما تكون فى مشكلة ، اكتب فيها إسم من أسماء الله الحسنى اللى مرتبط بمشكلتك مع شرح مبسط لية و آيه أو أكتر من القرآن بتحمل نفس المعنى و بص عليها كل شوية ، مثلا لو عندك مشكلة مادية ممكن تعمل كدة .
